Европската фудбалска организација (УЕФА) ја објави казната за загребски Динамо поради инциденти предизвикани од навивачите на хрватскиот шампион за време на домашниот натпревар во петтото коло од Лигата на шампионите против Борусија Дортмунд. Заради употреба на пиротехника навивачите на Динамо мораат во рок од 90 дена да платат 40.000 евра. Исто така, изречена е условна казна од УЕФА, која вели дека ќе се затвори дел од долната северна трибина ако се повторат вакви инциденти во следните две години.
Неизвесно е како ќе реагира УЕФА во наредните денови кога ќе биде анализиран последниот домашен европски натпревар на Динамо, против Селтик оваа недела, бидејќи и тогаш навивачите на хрватскиот клуб користеа пиротехника на сличен начин како против Борусија.
Александар Вучковски - сомелиер: Како македонските вина го освојуваат светот? ↓↓↓
До крајот на лигашкиот дел од Лигата на шампионите, Динамо ќе одигра уште еден домашен натпревар. По гостувањето во Лондон кај Арсенал на 22 јануари, во последното коло следи домашен натпревар против Милан во Загреб, кој ќе се одигра на 29 јануари.
Учество во игри на среќа е дозволено за лица со 18+ години. Играј одговорно!