Челси продава неколку фудбалери, па со уште две засилувања го комплетира тимот

Актуелниот освојувач на Светското клупско првенство, Челси, не застанува со засилувањата и до крајот на летниот преоден рок планира да доведе уште две големи имиња – Чави Симонс од РБ Лајпциг и Алехандро Гарначо од Манчестер Јунајтед.

Според информациите што ги објави добро познатиот трансфер-експерт Фабрицио Романо, „сините“ најпрвин се фокусирани на доведување на Симонс, а се проценува дека трансферот би можел да изнесува околу 70 милиони евра. Откако ќе биде завршена таа зделка, челниците на Челси ќе се обидат да го обезбедат и потписот на младиот аргентински репрезентативец Гарначо, за кого се подготвени да понудат околу 50 милиони евра.

Сепак, за да може да ги реализира овие амбициозни трансфери, лондонскиот клуб ќе мора претходно да направи простор во тимот и да ослободи средства преку продажба на неколку играчи. На листата на потенцијални заминувања од „Стемфорд Бриџ“ се најдоа имињата на Тајрик Џорџ, Кристофер Нкунку, Рахим Стерлинг, Николас Џексон и уште неколку други фудбалери кои не ги оправдаа очекувањата или не се вклопуваат во новата визија на тренерот.

Фото: Принтскрин