Брегот на Слоновата Коска и Камерун ремизираа во дербито од Африканскиот куп на нации

Во натпреварот од второто коло на групата Ф на Африканскиот куп на нации, Камерун и Брегот на Слоновата Коска одиграа реми 1:1 во Маракеш, преземајќи значителен чекор кон пласман во осминафиналето. Двете репрезентации сега имаат по четири бодови, а во следната фаза ќе се пласираат по две екипи од секоја од шесте групи, заедно со четирите најдобри третопласирани.

Во 21. минута Камерун имаше голема шанса, но Кристијан Кофане ја погоди пречката. Во почетокот на второто полувреме, Франк Кеси постигна гол за Слоновата Коска, но по интервенцијата на ВАР, голот беше поништен поради прекршок. Неколку минути подоцна, Камерун повторно ја погоди конструкцијата на противничкиот гол; овој пат шутираше Дени Намасо.

Брегот на Слоновата Коска поведе во 51. минута со голот на Амад Диало. Меѓутоа, само пет минути подоцна, Камерун израмни со доза на среќа. Џуниор Чамаду шутираше, но топката удри во Гислен Конан и успеа да го измами голманот Јахијa Фофана.