Бабунски уште неседнат, си замина од Беса

Бобан Бабунски пред само три недели седна на кормилото на Беса, а денес си замина од тимот.

Како што објавија од клубот, Бабунски нема да биде нов тренер на прволигашот, поради несогласување со управата.

Клубот допрва требаше да ги започне подготовките за вториот дел од кампањата, ама истите ќе ги одработи со нов тренер.

„Беса сака да информира дека Бобан Бабунски, кој беше именуван за прв тренер, нема да го води нашиот тим. По недоразбирањето е промената во однесувањето на тренерот во однос на работи кои претходно беа договорени, клубот денеска реши да ја прекине соработката. Ние ќе почнеме со подготовки на 10 јануари 2025 година. За сите натамошни промени ќе информираме преку профилите на социјалните мрежи“, се вели во соопштението на Беса.