„3х3“ баскет турнирот одложен за 15ти јуни

Спортскиот кошаркарски спектакл – турнирот „FIBA 3х3 Skopje City Mall 2k18“ ќе се одржи од 15 до 17 јуни, на катната гаража во Скопје Сити Мол

Организаторите информираа дека терминот за одржување на настанот што претходно беше закажан од 1 до 3 јуни, е променет поради најавените поројни врнежи и лоши временски услови. Бидејќи настанот е предвидено да се одржува на отворено, лошите временски неприлики би ја оневозможиле неговата реализација на највисоко ниво.

Целосната програма и најавени активности ќе се одржат во новиот термин, а организаторите најавуваат вистински спортски спектакл кој никого нема да остави рамнодушен.

Овој 3х3 баскет турнир е официјално признат од FIBA која што е дел од календарот на светската куќа на кошарката, а оттука стартува и првата 3х3 лига на територијата на Република Македонија. Oвој спорт доби свое место во олимпискиот календар, како официјална олимписка дисциплина кoja ќе биде промовирана во 2020-та година на Летните Олимписки Игри во Токио. Турнирот е поддржан од Агенцијата за млади и спорт и Македонската Кошаркарска Федерација.