Бабунски има нова понуда, од Турција!

Давид Бабунски готво сигурно во зимскиот преоден рок ќе ја напушти Црвена Звезда, а според она што го пишуваат медиумите веќе има неколку понуди на маса.

Покрај онаа на швајцарски Јанг Бојс, за македонскиот репрезентативец интерес покажува и турскиот прволигаш Бурсаспор.

Утрово, турските медиуми објавија дека тренерот на Бурса, Хамза Хамзаоглу сериозно се заинтересирал за услугите на нашиот репрезентативец и во него гледал како идеално решение во креацијата на играта.

Бурсаспор игра одлична сезона во турското првенство, во моментов е на петтото место на табелата, а според медиумите веќе започнале преговори со менаџерот на Бабунски.