Иновација на ФИФА: Четврта измена на Мундијалот во Русија?

Извршниот одбор на Светската фудбалска федерација во овој момент сериозно размислува да воведе големи иновации на Светското првенство во Русија идното лето.

Освен видеотехнологијата, сериозно се разгледува и предлогот да се воведе и четврта играчка замена. Додека за ВАР на големо се дискутираше, евентуалното правило на ФИФА за четврта измена привлекува се поголемо внимание.

Имено, иницијативата е за во завршницата на Мундијалот на репрезентациите освен досегашните три да им се овозможи и четврта размена.

Според извори блиски на Светската фудбалска федерација, извесно е дека оваа идеја ќе се реализира. Сепак, се уште не е познато дали дополнителната замена би била само за евентуалните продолженија или пак би се користела и во регуларниот дел.