Таткото на Тијани Рејндерс, Мартин Рејндерс, откри дека Атлетико Мадрид бил сериозно заинтересиран за неговиот син, но на крајот се откажал од можноста за трансфер поради финансиските услови.
„Се надевавме на Атлетико Мадрид. Тие беа многу заинтересирани, но на крајот целосно се повлекоа. Не можеа финансиски да го реализираат трансферот“, изјави Мартин Рејндерс.
Според него, за услугите на холандскиот репрезентативец биле заинтересирани и Јувентус и Галатасарај, но двата клуба разгледувале единствено можност за позајмица.
Интересен бил и пристапот на Ал-Кадисија. Саудискиот клуб во првите два наврати бил одбиен, бидејќи Рејндерс немал намера да се пресели на Блискиот Исток.
„Првите двапати веднаш ги одбивме. Тијани немаше никаква намера да се пресели на Блискиот Исток“, откри неговиот татко.
Сепак, Ал-Кадисија не се откажала. При третото обраќање, клубот организирал видео-презентација, по што семејството на Рејндерс отпатувало за да ги види условите и проектот на клубот одблизу.
„Тие сакаат да станат најголемиот клуб во Азија“, додаде Мартин Рејндерс.
Така, иако Рејндерс првично не сакал преселба во Саудиска Арабија, амбициозниот проект на Ал-Кадисија и конкретниот пристап на клубот очигледно одиграле важна улога во конечната одлука.
Учество во игри на среќа е дозволено за лица со 18+ години. Играј одговорно!