Сите зборуваат за Роналдо, но Меси изедначи негативен рекорд стар седум години

Валенсија и Барселона во дербито на 13. коло од Ла Лига одиграа без победник (1:1).

Домашната екипа дојде до водство преку Родриго во 60. минута, а изедначување и бод на Барса и донесе Жорди Алба по одличната асистенција на Лео Меси.

Иако Меси во 30. минута постигна гол, судиите не видоја дека топката ја помина линијата, па Аргентинецот остана шест натпревари без постигнат гол, со што го повтори „рекордот“ од 2010. година.

Барселона во овој натпревар беше оштетена, но тренерот Ернесто Валверде по натпреварот изјави дека судиските грешки се составен дел од фудбалот.