Влаховиќ е минато: Барса има нова желба од 90 милиони евра!

Се чини дека Роберт Левандовски ќе го напушти фудбалскиот клуб Барселона на крајот од сезоната. Полскиот голгетер останува без активен договор, а неговата кариера би требало да продолжи прекуокеански, во САД. Во меѓувреме, медиумите се занимаваат со гледање на неговиот наследник, а според англиските извори, тоа би можело да биде германскиот напаѓач Ник Волтемајде.

Барселона веќе подолго време трага по замена за Роберт Левандовски. Легендарниот Полјак е на пат да ги спакува куферите и да ја напушти Каталонија, што отвора прашање за кој ќе го облече дресот со број девет по него.

Повеќе имиња се поврзуваат со Барса. Најчесто се спомнува српскиот напаѓач Душан Влаховиќ, кој би бил идеална цел поради неговиот статус на слободен играч летово, но се чини дека тој би сакал да остане во редовите на Јувентус.

Новата ѕвезда која се наметнува како потенцијален прв удар за Барселона е 24-годишниот германски репрезентативец и играч на Newcastle United, Ник Волтемајде.

Екипата на Њукасл минатото лето плати дури 75 милиони евра на Штутгарт за овој напаѓач, а тренерот на Барселона, Ханси Флик, го гледа како “идеално” решение за напредната линија на својот тим.

“Ханси Флик му предложил на Деко да го потпише Волтемаде и го смета за идеална замена за Левандовски. Според англиските медиуми, трансферот би можел да достигне меѓу 70 и 90 милиони евра,” велат изворите од Островот.