Барселона има листа која е сè подолга, а опциите сè полоши – ова се решенијата за една од најважните позиции!?

Тренерот на Барселона Ханси Флик и спортскиот директор Деко се согласија дека клубот треба да најде решение на позицијата стопер во зимскиот преоден рок.

Откако Андреас Кристенсен доби нова сериозна повреда на коленото поради која ќе паузира најмалку четири месеци, Барселона сака засилување во одбраната.

Пишувавме веќе за разни опции неколку пати, а сега листата е уште подолга.

Имиња како Алесандро Бастони и Јошко Гвардиол се невозможни сништа за следното лето, а камоли во зима, исто како и доаѓањето на Нико Шлотербек од Борусија Дортмунд иако во јули ќе влезе во последната година од договорот.

Барса најверојатно ќе мора да се обрне кон некои „евтини“ опции, а веќе пишувавме дека агентите нудат Нејтан Аке и Аксел Дисаси, но тие не се на листата на желби на Барса.

Меѓу достапните и евтини опции би можеле да бидат Стефан де Фрај, кому на лето му истекува договорот со Интер, и би бил достапен за мала сума. 

Исто така, се спомнува и Маркос Сенеси, 28-годишен Аргентинец кој оваа сезона игра одлично во дресот на Борнмут и исто така е во последната година од договорот и со тоа достапен за малку пари. Претходно играше за Феенорд, од каде што пристигна летото 2022 година. 

Тој дури не е ни единствениот Аргентинец, бидејќи Мундо депортиво дури го спомнува и Николас Отаменди како опција до крајот на сезоната. И 37-годишниот Аргентинец е во последната година од договорот со Бенфика, која сепак тешко дека ќе го пушти својот капитен сред сезона.