19-годишниот талент и играч од средниот ред, Манекс Резола, кој досега играше за шпанскиот четвртолигаш Логронес, ќе ја продолжи својата кариера во Реал Мадрид, пренесуваат шпанските медиуми. Логронес ќе добие обесштетување од 150 илјади евра за трансферот на Резола. Покрај мадридскиот клуб, интерес за младата надеж покажале и Атлетик Билбао, како и еден клуб од Саудиска Арабија.
Резола, кој оваа сезона забележа 15 настапи и постигна два гола, ќе му се приклучи на третиот тим на Реал (Реал Мадрид Ц) во јануари, кој исто така се натпреварува во четвртата шпанска лига. Во Реал се уверени дека Резола може да напредува во период од неколку месеци до вториот тим, Реал Мадрид Кастиља.
До кога ќе дишеме отровен воздух!? | Уште еден поткаст
Во последно време, ретко кој играч од Реал Мадрид Ц или Реал Кастиља успева да влезе во првиот тим. Последни кои го оствариле тоа се Гонзалез Гарсија и Раул Асенсио, додека талентираниот играч од средниот ред Нико Паз беше продаден на Комо, со можност Реал да го откупи од италијанскиот прволигаш.
Учество во игри на среќа е дозволено за лица со 18+ години. Играј одговорно!