Фудбалерите на Мароко ги поразија Коморските Острови со 2:0 во првиот натпревар на 35-то издание на Африканскиот куп на нации, кое се одржа пред 60 илјади навивачи во Рабат. Домаќините на континенталниот турнир триумфираа благодарение на головите на Брахим Диаз (55′) и Ајуб Ел Кааби (74′). Ел Кааби, кој е напаѓач на Олимпијакос, постигна посебно впечатлив гол со неверојатни ножички, кој можете да го погледнете ОВДЕ.
Како полуфиналист на последното Светско првенство и еден од главните фаворити за освојување на континенталното првенство, Мароко можеше да поведе уште во 11. минута, но Софијан Рахими не успеа да го реализира пеналот.
Исхрана, повреди и тренинг – совети од доктор по спортска медицина | Уште еден поткаст
„Првиот натпревар секогаш претставува предизвик, но успеавме добро да стартуваме во второто полувреме“, изјави селекторот на Мароко, Валид Реграги. Мароканската репрезентација досега само еднаш го освоила Купот, во 1976 година, додека Египет е рекорден освојувач со седум титули.
Учество во игри на среќа е дозволено за лица со 18+ години. Играј одговорно!