Англискиот тренер Стивен Џерард дефинитивно нема да се врати на клупата на Ренџерс, откако одлучи да ги прекине преговорите со раководството на шкотскиот великан, објавуваат британските медиуми.
Според информациите на Скај Спорт, челниците на Ренџерс во четвртокот и петокот водеа отворени и конструктивни разговори со Џерард, но поранешниот капитен на Ливерпул процени дека моментот не е вистинскиот за неговото враќање на Ibrox. Сепак, двете страни се разделија во добри односи и се договорија дека можноста за идна соработка останува отворена.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Џерард им се заблагодари на навивачите на Ренџерс за поддршката што му ја даваат и му посака успех на клубот во продолжение на сезоната.
Да потсетиме, токму Џерард во 2021 година го водеше Ренџерс до шампионската титула без ниту еден пораз во лигата, што ја прекина десетгодишната доминација на Селтик и го спречи да освои десета последователна титула.
Потоа, Англичанецот накратко го водеше тимот на Астон Вила, а потоа и Ал-Етифак од Саудиска Арабија, кој го напушти во јануари по 18 месеци на клупата.
Во моментов, Ренџерс е во потрага по нов тренер, бидејќи на почетокот од октомври поради слаби резултати беше отпуштен Расел Мартин.
Учество во игри на среќа е дозволено за лица со 18+ години. Играј одговорно!