НАВИВАЧИТЕ ПОЛУДЕА: Еве зошто Нејмар не играше во саботата, ова не му требаше!

Кога Нејмар не беше вклучен во екипата на ПСЖ за саботниот дуел против Ангерс, од клубот потврдија дека најскапиот играч во светот е повреден. Меѓутоа, сега изгледа дека станува збор за нешто сосема друго.

Шпанскиот весник „Sport“ пренесува дека Бразилецот бил разочаран од недостатокот на квалитет во францускиот фудбал и одлучил, наместо да патува во Ангерс, каде што екипата освои три бода, да остане дома и да се чува за претстојните пријателски натпревари на Бразил, меѓу кој и оној со Англија.

Пред натпреварот, Унаи Емери изјави: „Нејмар имаше мал удар на мускулот и не се чувствуваше добро. Разговарав со докторот и одлучивме да остане во Париз“. Меѓутоа, вчера Нејмар се придружи на репрезентацијата, што е контрадикторно од зборовите што ги кажа тренерот на ПСЖ.

Нејмар не само што беше дел од тренингот, туку изгледаше и во топ форма, а не на некој кој имал повреда на мускулот. „Sport“ тврди дека тоа му било само изговор за да не игра против Ангерс.

„Бразилецот е изненаден од нискиот квалитет на ривалите и малата посетеност на стадионите. Поради тоа, одлучил да се одмори пред натпреварите за репрезентацијата и да не патува за Ангерс, каде што ПСЖ играше пред 12,381 навивачи. Тоа е бројка која многу се разликува од оние пред кои играше во Шпанија“, додаде весникот.