Ливерпул веќе ја составува екипата за одбрана на титулата

Ливерпул е на прагот да стане првак на Англија. На „Енфилд“ веќе размислуваат за засилувања за следната сезона и го планираат летниот трансфер период.

Според медиумите на Островот, Ливерпул го одреди својот прв приоритет за летниот трансфер период. Тој е Хуго Екитике..

Талентираниот млад Французин оваа сезона навистина привлече внимание со 21 гол и осум асистенции во сите натпреварувања, па големиот трансфер е логичен чекор во неговата кариера.

Екитике веројатно ќе чини најмалку 85 милиони евра ова лето, но тоа нема да биде проблем за Ливерпул.

Фото: ФК Ливерпул/ФБ