Новиот Дани Алвеш на радарот на Ливерпул и Барселона. Чини 70 милиони евра

ВЕСЛИ ВИНИСИУС ФРАНКА ЛИМА, познат само како Весли, привлече внимание од европските гиганти со своите настапи за Фламенго. Младиот 21-годишен десен бек веќе е споредуван со легендарниот Дани Алвеш поради офанзивниот стил на игра. Ливерпул и Барселона покажаа интерес за Весли, а се очекува и други клубови да се приклучат во трката за неговиот потпис.

Тој е висок 178 см и го носи дресот со број 43. Весли е производ на младинската академија на Фламенго и се смета за еден од најперспективните млади играчи во Бразил. Фламенго е свесен за потенцијалот на својот млад играч и постави клаузула за откуп од 70 милиони евра за да го заштити својот талент.

Весли е опишан како офанзивно настроен десен бек со одлични дриблинг способности и способност за додавање. Неговата брзина и техничките вештини му овозможуваат да биде ефикасен и во нападот и во одбраната. Тренерот на Фламенго, Филипе Луис, го пофали Весли за зрелоста и способноста да игра на високо ниво и покрај младоста.

Наследник на Александер-Арнолд?

Ливерпул го гледа Весли како можен наследник на Трент Александер-Арнолд, чие иднина во клубот е неизвесна. Александер-Арнолд е клучен играч на Ливерпул, познат по своите креативни способности и прецизни додавања. Неговиот придонес во играта на Ливерпул е немерливо значаен, со импресивен број од 109 директни придонеси за гол (22 гола, 87 асистенции) во 345 настапи.

Моментално, Александер-Арнолд е во центарот на интезивни шпекулации за трансфер. Со договор кој истекува на 30 јуни 2025 година, постои можност да го напушти Ливерпул како слободен играч. Реал Мадрид покажа силен интерес за неговиот потпис, а шпанските медиуми тврдат дека трансферот е “90% завршен”.