Балотели со месеци бараше клуб. Сега си заминува по 56 одиграни минути?

МАРИО БАЛОТЕЛИ (34) е блиску до заминување од Џенова. Италијанскиот напаѓач потпиша за клубот од Серија А на крајот на октомври откако со месеци беше слободен играч.

На шест натпревари одигра само 56 минути, а последниот настап го имаше на 21 декември кога одигра седум минути во поразот од Наполи со 1:2.

Инсајдерите во италијанскиот фудбал Фабрицио Романо и Николо Скира најавија дека некогаш одличниот напаѓач ќе тргне во нова потрага по клуб.

Романо истакна дека Балотели е на прагот на заминување, додека Скира откри дека е понуден на Венеција и Монца.

Неговиот план е да замине некаде каде што ќе може да игра повеќе, но не се знае дали е заинтересиран за споменатите клубови.