Суспендиран уште еден успешен тенисер поради допинг

Двојниот Гренд-слем шампион во двојки, Макс Пурсел, е суспендиран откако призна дека ги прекршил правилата.

Меѓународната агенција за интегритет во тенисот соопшти дека Пурсел признал прекршување на Членот 2.2 од антидопинг програмата во тенисот.

Суспензијата стапи на сила на 12 декември и моментално нема да може да се натпреварува.

„За време на привремената суспензија, на Пурсел му е забрането да учествува, тренира или присуствува на било кој тениски настан одобрен или санкциониран од страна на членовите на ИТИА или било која национална асоцијација. Бидејќи постапката е во тек, агенцијата не е во можност да даде коментар додека таа не заврши”, соопштија од управата.