Одложено градското дерби Евертон – Ливерпул

Натпреварот од 15. коло во англискиот фудбалски шампионат, градското дерби меѓу Евертон и Ливерпул, кое требаше да се одигра од 13:30 часот на Гудисон Парк, е одложен поради неповолните временски услови, соопшти Евертон.

Ова е прв натпревар од Премиер лигата кој е одложен поради бурата Дараг.

Во петокот беа одложени два натпревари од втората лига, Плимут Аргајл – Оксфорд Јунајтед и Кардиф Сити – Ватфорд.

Веста прв ја објави Дејвид Орнштајн, известувач на Атлетик: “Евертон и Ливерпул нема да играат. Мерсисајд дербито на Гудисон Парк е одложено поради невремето предизвикано од тропскиот циклон Дараг. Натпреварот ќе се игра во нов термин”, се вели во соопштението.