Манчестер Сити го потврди продолжувањето на договорот со Пеп Гвардиола. Шпанскиот стручњак, кој бележи успеси од 2016 година, го продолжи договорот на дополнителни две години, што значи дека кога ќе му истече, ќе заврши десетгодишна работа во Манчестер.
Клубот има освоено 18 трофеи, од кои шест за најдобриот тим во Премиер лигата и титулата во Лигата на шампионите. Со освојувањето на Премиер лигата минатата сезона, Сити стана првиот клуб во историјата на англискиот фудбал кој освоил четири последователни титули.
Пред дербито, падна најважниот потпис во Манчестер Сити! ↓↓↓
Под водство на Пеп, Сити стана првиот клуб кој освоил 100 бода во првенството (сезона 2017/18) и првиот што ги освоил сите четири домашни трофеи (2018/19).
Досега Гвардиола го предводеше Сити на 490 натпревари и победи на 353 од нив.
„Сити ми значи многу. Ова е мојата деветта сезона, доживеавме толку многу заедно и затоа сум многу среќен што останувам уште две години.
Овде имам се што може да посака еден менаџер и многу го ценам тоа. Се надевам дека ќе додадеме уште еден трофеј на овие победи, на тоа сум фокусиран“, изјави Гвардиола по потпишувањето на договорот.
Учество во игри на среќа е дозволено за лица со 18+ години. Играј одговорно!