Фудбалскиот тим на Сан Марино приреди вистинска сензација, откако во натпреварувањето во Д дивизијата од Лигата на нации заврши како првопласирана во групата, а следната сезона ќе настапува во повисок ранг!
Ова не би било сензација доколку Сан Марино до овој натпревар не важеше за најлошата репрезентација во Европа, а можеби и во светот.
Диск голф го освојува светот, а го нема во Македонија!? ↓↓↓
Со победата испишаа историја, а покрај тоа, за првпат досега на официјални натпревари постигнаа три гола, во победата од 3:1 против Лихтенштајн.
Претходно Сан Марино забележа реми против Гибралтар (1:1), а она што секако е фасцинантно е што оваа мала земја има подобар учинок во ноември од Манчестер Сити!
Во месец ноември Сан Марино забележа победа и нерешено, односно освои четири бода во два натпревари, додека Манчестер Сити во трите меча што ги одигра во ноември имаше три порази.
„Граѓаните“ загубија од Бурнмаут и Брајтон со по 2:1, додека во Лигата на шампионите доживеаја дебакл со убедливи 4:1 против Спортинг.
Се на се, ова е само уште еден доказ дека фудбалот навистина ги пишува најинтересните приказни.
Учество во игри на среќа е дозволено за лица со 18+ години. Играј одговорно!