Кинезите на ѕвездата на Манчестер Јунајтед им понудиле 375,000 фунти неделно, но тој глатко ги одбил!

Ѕвездата на Манчестер Јунајтед имал понуда од 375,000 фунти неделно, но тој ги одбил?

Станува збор за шпанскиот репрезентативец во дресот на Манчестер Јунајтед, Хуан Мата кој одбил огромна понуда од кинеската Супер Лига, тврди „The Sun“. Шпанецoт во моментов заработува 170,000 фунти неделно во Манчестер Јунајтед и договорот му трае уште 12 месеци, што значи дека следната година клубовите би можеле бесплатно да го доведат.

Мата сака да го продолжи договорот и да остане во клубот, а од „црвените ѓаволи“ се очекува да ја активираат клаузулата од неговиот договор и автоматски да го продолжат договорот за уште една година. Се уште не се знае кој клуб е заинтересиран за Шпанецот, но гласините се дека повеќе клубови од Кина се заинтересирани за Мата.

Жозе Мурињо го сака Мата кој стана клучен играч во неговата екипа. Шпанецот до сега одигра 118 натпревари и постигна 28 гола за Манчестер Јунајтед.