Клупската телевизија на Манчестер Јунајтед направи голем гаф

Maнчестер Јунајтед го победи Ренџерс со 2:0 во подготвителниот натпревар за новата сезона.

Сепак, наместо за победата и головите на Амад Диало и Џош Хугил, навивачите на клубот зборуваат за киксот што се случи за време на репортажата во живо на новинарката кој работи на клупската телевизија.

Пред почетокот на натпреварот одигран на стадионот „Марејфилд“ во Единбург, таа ги интервјуираше навивачите кои пристигнаа на стадионот, меѓу кои и еден кој го носеше третиот дрес на тимот за новата сезона. Проблемот е што дресот се уште не е официјално претставен, па новинарката кога сфатила дека прикажала нешто што не треба интервјуто го завршила порано.

„Дејли Мејл“ ова го опиша како голем кикс на луѓето од клупската телевизија. Инаку, на третиот дрес на Манчестер Јунајтед ќе преовладува белата боја со црвено-црна лента на градите.