Mурињо не штедеше критики за Португалија – ги спомна Роналдо и Пепе!

Тренерот на Фенербахче, Жозе Мурињо не криеше дека е разочаран од настапот на португалската репрезентација на Европското првенство во Германија.

Португалија забележа две победи и еден пораз во групната фаза на ЕП, а потоа во осминафиналето по подоброто изведување пенали ја совлада Словенија, додека во четвртфиналето исто така на пенали подобра од нив беше Франција.

„Португалија не одигра добро, без разлика што стигна до четврт-финалето. Очекував повеќе и чувствував дека Португалија може повеќе. Квалитетот на тимот е огромен, но тоа не го видовме на ЕП“ – изјави Мурињо за Спорт ТВ.

Тој потсети дека пред почетокот на Европското првенство Португалија беше поразена од Хрватска во пријателски натпревар (1:2).

„Бев на тој натпревар. Тимот не прикажа убедлива игра, а потоа дојде моментот на вистината. Репрезентацијата сега треба да се подготвува за Мундијал, освен двајцата ветерани“,додаде Мурињо, кој, како што пренесуваат португалските медиуми, алудираше на Пепе и Кристијано Роналдо.