Ѓуровски: Ако бев на местото на Тадиќ – немаше ниту да влезам во игра!

Од натпреварот со Англија една од темите за која се пишуваше во регионот беше ситуацијата помеѓу капитенот на Србија, Душан Тадиќ и селекторот Драган Стојковиќ – Пикси.

На оваа тема во интервју за „Моцартспорт“ зборуваше и Милко Ѓуровски кој порача дека според него Тадиќ ништо лошо не направил, а доколку тој бил во таква ситуација немало ниту да влезе во игра.

„Не знам…навистина не знам каква е таа приказна околу Тадиќ и зошто се крева толкава галама. Човекот кажа дека го почитува селекторот, но дека би сакал да игра од почетокот. Па секој сака да игра, веројатно и такаа треба да размислува секој фудбалер. Зошто да го осудам? Ја слушнавте ли изјавата? Не навлегувам во тоа дали е најдобар…прво тој е капиутен. Кажа дека сака да игра од почеток и дека ја почитува одлуката. Не спомена дека е лут или дека нема да игра и слично. Во ред, седеше на клупата, потоа влезе. Јас на пример, не би влегол во игра.

Таков карактер сум. Не би влегол. Тој е мирен и фин дечко, само го кажа тоа што му беше на душата. Го знае тоа и Пикси и тој бил во такви ситуации“, изјави Ѓуровски.

Во следниот натпревар на Европското првенство, Србија утре ќе се соочи со Словенија од 15:00 часот.