Покетино: ЛШ не е приоритет за англиските клубови!

Менаџерот на Тотенхем направи анализа на незгодната ситуација, во која според него се наоѓаат англиските клубови кои учествуваат во Лигата на шампиони.

„Спарси“ утре ќе стартуваат во Лигата на шампиони и тоа на домашен терен ќе ја пречекаат Борусија Дортмунд, а според Покетино овој меч ќе биде „како финале“.

„Премиер лигата е основната цел за секој фудбалер кој што игра во ова првенство. Во Италија ЛШ е најважниот турнир во светот, но во Англија Премиер лигата е над се. Европските натпреварувања се важни, но не во толкав степен. Кога ќе дојдеш тука разбираш дека е нешто огромно за секој клуб и за секој играч“, истакна Покетино.

„Кога во Англија е најгусто, после Божиќ, во Шпанија, Италија и Германија си одмараат, па поради тоа англиските клубови не можат да бидат на највисоко ниво во завршницата од ЛШ и Лига Европа. Културата во Англија е таква, но факт е дека ова е најтешкото првенство во светот“, заклучи аргентинскиот стратег.

„Утрешниот меч за нас е многу важен, трите бода се од суштинско значење за иднината во турнирот. Овој меч е како финале за нас и ние треба да покажеме дека се наоѓаме во добра форма, после победата над Евертон“, заклучи Покетино.