„Роналдо има понуди од 5-6 клуба, нема шанси да потпише за Атлетико“

Еду Агире, новинарот кој важи за добар пријател на Кристијано Роналдо тврди дека нема шанси Роналдо да премине во Атлетико Мадрид.

Секојдневно името на Роналдо се поврзува со разни клубови, денес последен во низата беше и Борусија Дортмунд. Претходно медиумите тврдеа дека Мендеш преговара со Атлетико Мадрид.

Роналдо од друга страна со коментар на социјалните мрежи порача дека наскоро ќе даде интервју во кое ќе откри што се случува.

„Роналдо е разочаран и бесен поради сите неточни информации кои се пишуваат за него. Нема шанси тој да заигра за Атлетико. Во овој момент тој има понуди од пет-шест клуба“, објави Агире.