Златен медал за македонските каратисти на Европската Универзијада во Полска

Македонската универзитетска карате репрезентација успеа во најтешката дисциплина борби мажи екипно, да го освои златниот медал.

Ова е прв Златен медал за Македонија од една европска универзијада во екипна конкуренција. Успехот го постигнаа со четири победи следните репрезентативци:

Петар Заборски, Петар Спасеновски, Давид Петков, Глигор Петков и Димитар Илиевски. Во Финалната борба нашиот тим беше поуспешен од Украина и ја совлада со резултат 3-1.

Бошко Заборски селекторот на репрезентацијата на Македонија изјави:- Постигнавме голем резултат, за прв пат на една европска универзијада Македонските карате спортисти во екипна конкуренција се на највисокиот пиедистал.

Задоволството е огромно во целиот тим. Екипниот медал е секако најтежок за освојување и затоа сите многу сме среќни.

Успехот е поголем бидејќи Давид Петков успеа и во поединечна конкуренција во тежинската категорија -67 кг да освои златен медал и заедно со бронзата на Ангела Мојсовска во категоријата – 68 кг не прави да бидеме многу горди. Вкупниот биланс од оваа универзијада за Македонија се 2 (две) златни медали  и 1 (еден) бронзен медал.