Умтити конечно ја напушта Барселона

Самуел Умтити ова лето конечно ќе се раздели со Барселона, пренесуваат каталонските медиуми

Клубот веќе две години се обидува да го продаде Французинот, кој пак категорично ги одбиваше сите понудите. Умтити се согласи да ја намали својата плата во јануари, кога потпиша нов договор со Барса.

Сепак, за целата сезона тој забележа само еден натпревар во Ла Лига, а сега е спремен да ја промени средината.

Според „Екип“, Фиорентина подготвува понуда за 28-годишниот Французин, а другата опција е неговиот поранешен клуб Лион.

На „Камп Ноу“ се подготвени да го пуштат Умтити без обештетување само да се ослободат од неговата плата, бидејќи има договор до 2026 година.