Јувентус го сака Габриел Жесус

Јувентус го обнови интересот за напаѓачот на Манчестер Сити, Габриел Жесус, пренесува „Кориере дело Спорт“.

„Бјанконерите“ сакаат да го засилат нападот во летниот преоден рок бидејќи Дибала сигурно заминува, а иднината на Мората е неизвесна.

Жесус подолго време е на радорот на „бјанконерите“ и минатото лето се поврзуваше со трансфер во Торино.

Манчестер Сити е во потрага по нов голгетер и е спремен да слушне понуда за Бразилецот, кој исто така сака да ја промени средината.

Јувентус наскоро ќе започне преговори со неговиот агент за да ги дознае финансиските услови за трансферот.