Вест Хем блиску до ново одлично засилување!

Екипата на Вест Хем полека создава тим кој ќе биде конкурентен за местата кои водат во Европа, иако во првото коло загубија од Манчестер Јунајтед со убедливи 4:0.

Во наредните 48 часа во клубот кој го предводи Славен Билиќ би требало да пристигне Вилијам Карваљо.

Карваљо би требало да биде играчот кој ќе донесе цврстина во средниот ред и ќе направи баланс во екипата.

Познато е дека овој фудбалер беше и мета на Јувентус и Арсенал, но „чеканите“ беа најупорни. Англиските медиуми пренесуваат дека управата на Вест Хем за Карваљо ќе плати 35 милиони евра.

Да потсетиме, пред Карваљо во клубот пристигнаа Џо Харт, Пабло Забалета, Марко Аранутовиќ и Чичарито.