„Ако кажам дека во Будимпешта одиме по сензација сигурно ќе ме прашавте што не е во ред со мене“

Tренерот на фудбалерите на Борусија Минхенгладбах Марко Роз денес зборуваше пред реваншот во осминафиналето од Лигата на шампионите против Манчестер Сити.

Роз не беше толку оптимистичен и порача дека не верува во чуда.

„Не верувам во чуда. Тоа би било голема сензација“, изјави Роз.

Во последните шест натпревари Борусија запиша исто толку пораз.

„Во овој момент се што ќе кажам звучи погрешно бидејќи немаме добри резултати. Ако кажам дека во Будимпешта одиме полни со самодоверба по сензација што би кажале сите тука? Сигурно, што не е во ред со вас господине“, истакна стратегот на германскиот тим.

Ќе потсетиме и овој натпревар поради рестрикциите кои ги донесе коронавирус се игра во Будимпешта.