Видео: Реми против Србија, прв бод на Европските првенства!

Македонските млади фудбалери одиграа одличен натпревар против селекцијата на Србија, но сепак на крајот мораше да се задоволиме само со бод.

Избраниците на Благоја Милевски после високиот пораз од Шпанија покажаа дека не се случајно пласирани во Полска.

Иако натпреварот за нас не започна најдобро, Гачиновиќ со гол од офсајд донесе предност Србите од 1:0, во вториот дел Барди од пенал, а потоа Ѓорѓев во 83 минута погоди за радост и големо славје на нашите фудбалери. Сепак, се играше 90 минута од натпреварот кога Ѓурѓевиќ погоди и донесе важен бод за Србите.

Нашата селекција последниот натпревар од групата ќе го одигра против репрезентацијата на Португалија.