Артур ја налути Барса: Замина во Бразил и одбива да игра во ЛШ

Бразилскиот играч за врска на Барселона, кој од следната сезона ќе игра за Јувентус, Артур Мело, заминал во својата татковина без дозвола на Каталонците.

„Мундо Депортиво“ пренесува дека Артур одбива да игра за Барселона во Лигата на шампиони бидејќи веќе потпиша договор со Јувентус.

Тој е решен да остане во Бразил по цена да плати и казна за одбивање на клупска наредба.

Барселона ќе го дочека Наполи на 8 август во реваншот од осминафиналето од ЛШ, првиот натпревар заврши 1:1.

Артур ќе пристигне во Јувентус по завршувањето на сезоната во ЛШ, но Бразилецот повеќе не сака да игра за клубот од „Камп Ноу“.