Германски репрезентативец пред трансфер во Милан

Ралф Рагник е на чекор од превземање на Милан и изгледа дека во наредните денови двете страни ќе стават потпис на договорот.

Тој од Милан побарал договор на три години, но и големи овластувања. Наводно Рагник сака во клубот да доведе 20-тина свои луѓе и тоа доволно зборува колку сериозно го сфаќа целиот проект.

Италијанските медиуми пренесуваат дека Германецот ќе добие голем буџет за трансфери, а една од неговите желби е и дефанзивецот на Фрајбург, Робин Кох.

Германскиот репрезентативец е на мета на многу европски гиганти, има договор до 2021 година и ова лето сигурно ќе ја промени средината.

Милан веќе започнал преговори со неговиот агент, а со помош на Рагник е спремен да ја победи конкуренцијата. Цената на трансферот би требало да изнесува 17 милиони евра.