Барселона се засили со бразилски талент

Барселона го купи младиот напаѓач на Сао Паоло, Густаво Маја, потврдија медиумите во Шпанија.

Неодамна шпанските медиуми пренесоа дека Каталонците го договориле 19-годишниот талент на Сао Паоло, Густаво Маја.

Раководството на Барселона веќе го информирало бразилскиот клуб дека ќе ги доплати останатите 3,5 милиони евра за да го добие потписот на младиот талент. Остантаите 30% од правата ќе продолжат да бидат во сопственост на Сао Паоло.

Маја веќе учи шпански јазик и се подготвува за неговото доаѓање во Барселона. Тој  може да игра на сите позиции во нападот и во Бразил му предвидуваат блескава иднина.

Младиот бразилски напаѓач најпрво ќе игра за Барселона Б со надеж дека набрзо ќе добие место и во првиот тим.