Лукаку за Брозовиќ: Со фризурата е како по*но актер!

Како и некои негови колеги во периодот на изолација Ромелу Лукаку се вклучи во живо на Инстаграм и одговараше на прашањата од фановите.

Белгискиот напаѓач одлично се вклопи во Интер и брзо ги освои срцата на навивачите. Едно од прашањата кои привлече најмногу внимание поради одговорот на Лукаку беше поврзано за хрватскиот фудбалер Марсело Брозовиќ.

„Марсело ме нарекува агресивен, а тој со неговата нова фризура мене ми личи на по*но актер. Не ми се допаѓа тоа што го прави со косата“, низ насмевка прокоментира белгискиот фудбалер.

Потоа доби прашање за Лаутаро со кого формираа супер тандем.

„Лаутаро е фантастичен и како човек и како играч. Расте заедно со тимот и навистина сум задоволен што имам прилика да играм со играч каков што е тој“, одговори Ромелу.