Македонија остана и без Адеми против Полска

Нашата фудбалска репрезентација вечерва и гостува на Полска, а неколку часа пред мечот пристигнаа лоши вести за селекторот Ангеловски.

Ангеловски ќе има кадровски проблеми бидејќи нема да може да смета на неколку стандардни репрезентативци, а последен кој отпадна поради повреда е Аријан Адеми.

Играчот од средината на теренот се повреди на дуелот со Словенија и не тренираше изминативе два дена, но не успеа да се рехабилитира и сигурно нема да биде во комбинација вечерва.

Поради повреди вечерашниот меч ќе го пропуштат уште Енис Барди, Дарко Велковски, Крсте Велковски и Иван Тричковски.