Чистка на „Олд Трафорд“: Солскјер го „пречкрта“ и Лукаку

Без разлика на исходот на сезоната, сигурно е дека на лето ќе има големи промени на тимот во Манчестер Јунајтед.

Солкјер откако доби тригодишен договор, ќе добие и одврзани раце да креира тим по своја мерка.

Англиските медиуми пренесуваат дека Солскјер дал зелено светло за продажба на Ромелу Лукаку и Манчестер Јунајтед е спремен да ги слушне понудите за белгискиот репрезентативец.

Лукаку падна во сенка на Маркус Рашфорд, Солскјер едноставно преферира друг тим на напаѓачи и планира со неговата продажба да го зголеми буџетот за доведување на крилен напаѓач.

Лукаку во моментов заработува 200.000 фунти неделна плата, а од „Олд Трафорд“ ќе си заминат неколку фудбалери со големи плати. Прв на листата е Алексис Санчез кој зема 350.000 фунти неделна плата, а тука се уште Хуан Мата и Антонио Валенсија.

Најсилен интерес за Лукаку во моментов покажуваат ПСЖ, Интер и Баерн Минхен, а „црвените ѓаволи“ за неговата слобода бараат најмалку 80 милиони евра.