Куртоа по само една сезона го напушта Реал Мадрид!?

Реал Мадрид и Тибо Куртоа би можеле да ја завршат соработката по само една сезона.

Белгискиот голман минатото лето пристигна како големо засилување од Челзи. Сепак, од неговите настапи никој не беше воодушевен а со враќањето на Зидан на клупата на „Кралевите“ го загуби и местото прв голман.

Многу лесно би можело да се случи Куртоа да го напушти Реал Мадрид. Според информациите кои доаѓаат од Шпанија, „Кралевите“ се многу заинтересирани за доведување на Давид Де Геа и ќе се обидат да го остварат тој трансфер уште ова лето. Дека некои работи ќе бидат направени на првата позиција на Реал најави и Зидан.

„Убеден сум дека од следната сезона нема да има приказни за првиот голман. Во моментов имам три добри голмани, но следната сезона се ќе биде јасно“, изјави Зидан.

Куртоа оваа сезона во дресот на Реал одигра 32 натпревари, а прими 42 гола. Де Геа од другата страна има договор со Манчестер Јунајтед до 2020. година. Одби продолжување на соработката поради пари, Јунајтед нуди 350,000 фунти неделно, а Шпанецот бара пола милион фунти.

Де Геа желба на Реал Мадрид е уште од поодамна и сигурно дека ако се создадат услови Реал ќе се обиде да го доведе, а во тој случај Куртоа навистина би можел да го напушти Мадрид после само една сезона.