Видео: Кепа блескаше, Челзи победи

Фудбалерите на Челзи остварија тешка, но многу значања победа на гостувањето кај Фулам (1:2).

Кепа Аризабалага се врати на голот и имаше неколку маестрални одбрани, па слободно може да се каже дека беше најважниот фактор во победата на „сините“.

Фулам со новиот тренер одигра одлична партија, имаше желба за надигрување, создаде неколку одлични шанси, но не најде решение за одличниот Кепа.

Челзи поведе во 20-та минута со гол на Гонзало Игуаин, но само седум минути подоцна Чемберс го изедначи резултатот на 1-1. Во 31-та минута Жоржињо со прекрасен гол го врати Челзи во водство, што на крајот се покажа како конечен резултат.