Јувентус му нуди нов договор на Манџукиќ – познати условите!

Марио Манџукиќ е апсолутен миленик на навивачите на Јувентус.

Хрватскиот напаѓач секогаш е жртвуван и подготвен на борба до последната капка пот, па секоја гласина дека ќе го напушти Торино ги загрижува навивачите на Јувентус. Сепак, сега стигнуваат вести дека Јувентус наскоро ќе му понуди продолжување на договорот на Манџукиќ, но „во замена“ за помала плата.

Според пишувањето на „Corriere dello Sport“, Јувентус сака да го продолжи договорот на Манџукиќ, кој важи до 2020. година, за уште две или три сезони. Сепак, „Старата дама“ ќе бара од Манџукиќ да прифати намалување на платата од сегашни 3,5 на три милиони евра. Еден дел од неговите примања, по новиот договор, би пристигнувале од различни бонуси.

Доколку Хрватот ги прифати условите на новиот договор и ја продолжи соработката за дополнителни две или три сезони многу е веројатно дека кариерата ќе ја заврши во Јувентус со оглед на тоа што има 32 години. Потсетуваме, Манџукиќ и синоќа беше херој на Јувентус, бидејќи постигна еден гол во победата на својата екипа над Интер.