Екипата на Ливерпул по победата над Црвена Ѕвезда од 4:0 во ЛШ го пречекува Кардиф во десетто коло од Премиер лигата. Тренерот на Ливерпул, Јирген Клоп зборуваше за тоа кој ќе го пропушти овој дуел и за другите актуелноти од „Енфилд“.
Кардиф оваа сезона е еден од најнеефикасните тимови во Премиер лигата и веројатно е дека ќе има проблеми против Ливерпул кој е еден од трите непоразени тима во Премиер лигата.
Дерби на Манчестер: Да се види кој е полош!? ↓↓↓
„Кардиф заслужува почит и ќе го добие. Пред овој натпревар доста се фокусиравме на прекините, бидејќи тоа не беше нашата вистинска сила. Кардиф има многу долги аути, тоа е тешко и го прави натпреварот интересен. На светот тие можат да играат на двете крила брзо и директно“, изјави Клоп.
Клоп потврди дека Ливерпул и понатаму не може да смета на Хендерсон и Кеита, а ги пофали Ориџи, Соланке и Клајн. Исто така бил задоволен од играта на Фабињо против Црвена Ѕвезда.
Учество во игри на среќа е дозволено за лица со 18+ години. Играј одговорно!