Кадетите стартуваа неуспешно на турнирот во Васлиу (ВИДЕО)

Кадетската репрезентација на Македонија го стартуваше со пораз меѓународниот кадетски турнир во Васлуи.

Во првиот меч екипата на Македонија загуби од Израел, кои славеше со резултат 27:29.

Израел имаше подобар почеток во првото полувреме и имаше постојано водство од неколку голови разлика.Во еден момент потоа, кога нашата селекција се врати, највисоката предност на Македонија изнесуваше 5 гола, 16:11, но на одмор замина со предност од 4 погодоци, 16:12.

Почетокот на второто полувреме мина во доминација на нашиот противник, кој успеа да направи серија од 9:1 по падот на играта во нашиот табор.

Иако подоцна се вративме на само еден погодок негатива, не ги искористивме своите два напади и го загубивме натпреварот со резултат 27:29.

Македонија утре за противник ќе ја има селекцијата на Романија, домаќинот на овој турнир.