Џенова се разбуди по долгиот кризен период, Пандев без погодок но еден час на теренот (Видео)

По три порази во серија, Џенова денес конечно успеа да го запише својот втор триумф од почетокот на сезоната.

Во првиот денешен меч од 13. коло во Серија А, Џенова на гостувањето славеше кај Кротоне со 1:0.

Џенова поведе уште во 11. минута кога Лаксалт одлично центрираше од левата страна, а топката на втората статива ја пречека Ригони и од некои три-четири метри преку удар со глава ја затресе мрежата на Кротоне.

Имаше шанси на обете страни до самиот крај на мечот, но резултатот остана непроменет.

По овој триумф, Кротоне се наоѓа на 15. позиција на табелата со 12 освоени бодови, додека Џенова е две позиции подолу со освоени 9 бодови.