(Видео) Драма на терен: Поранешен репрезентативец на Италија го гасеше пожарот среде натпревар

Неверојатни сцени се видоа на натпреварот од промотивната лига на Швајцарија меѓу екипите Парадисо и Баоа. Додека играчите се бореа за поени на теренот на стадионот “Пиан Скаироло”, вистинска драма се одвиваше веднаш покрај аут-линијата!

Покрај оградата која го разделува теренот од паркингот избувна пожар. Огнот се ширеше нагло, а додека другите гледаа во шок, на сцена стапи никој друг туку – Езекиел Скелото!

Некакогашниот фудбалер на миланскиот Интер, Аталанта и повремен репрезентативец на Италија, кој моментално има двојна улога во Парадисо (играч и потпретседател на клубот), не чекаше пожарникари. Скелото веднаш претрча и сам го изгасна пламенот, спречувајќи инцидентот да се претвори во сериозна катастрофа.

За среќа, во овој инцидент никој не беше повреден, а натпреварот брзо продолжи.

Да биде работата подобра за домаќинот, „пожарникарот“ Скелото и неговиот тим на крајот славеа и на фудбалскиот план. Иако Баоа водеше од 11. минута со гол на Алварез, екипата на Парадисо во финишот режираше голем пресврт. Прво, Бенакистан израмни во 72. минута, а потоа целосен триумф и големи три бода домаќинот му донесе Д’Агостино во 82. минута од натпреварот.

🔥 A fire broke out at the Swiss 3rd division match between FC Paradiso & Bavois

The player coming to the rescue with a hose is one-time Italy international Ezequiel Schelotto

The 36-year-old played for Atalanta, Inter, Chievo & Brighton amongst others

🎥 tgdom_sport24 pic.twitter.com/G5IwlXscua

— Calcio England (@CalcioEngland) April 5, 2026