Што е „Боксинг деј“ и зошто Англичаните играат фудбал на тој ден?

И додека сите останати фудбалски лиги мируваат, а фудбалерите одмараат во Премиер лигата и за време на Божиќ и Нова година се игра во полна пареа.

Во следните осум денови во Англија ќе се одиграат три кола, а се започнува денес со традиционалниот „Боксинг деј“.

Играњето фудбал на овој ден започнува од самите почетоци на фудбалот каков што денес го познаваме. Шефилд и Халам одиграа натпревар во 1860 година. Потоа во првата сезона од старата Фудбал Лига (1888/1889) Престон на 26 декември го совлада Дерби со 5:0 и така на тој датум започна да се игра фудбал.

Постојат неколку теории според кои „Боксинг деј“ го добил името, но најинтересна е онаа со господарите и слугите. „Christmas Box“ e англиското име за Божиќен подарок. Богатите Англичани кои во своите домови имале слуги и помошници, на 26 декември ги добиле своите подароци, а поради тоа денот бил наречен „Боксинг деј“.

Втората теорија е дека на Божиќ во цркивите се собирале пари, а еден ден подоцна (на Боксинг деј) истите се отварале.

Но, како и да е веќе 120 години од тој 26 декември во Обединетото кралство се игра фудбал, Премиер лигата, пониските лиги, аматерските лиги – сите играат.

Во продолжение ова се резултатите од „Боксинг деј“ во 1963 година. Повеќе за ова ТУКА.