Челзи доби ултиматум за Хаверц

Раководството на Баер Леверкузен му постави краен рок на Челзи за финализирањето на трансферот на Каи Хаверц.

Според „Билд“ рокот истекува на 28-ми август, кога „фармацевтите“ ги започнуваат припремите за новата сезона.

На сличен начин Борусија Дортмунд му постави ултиматум на Манчестер Јунајтед за Џејдон Санчо, кој истекуваше на 10 август.

Челзи подолго време е во преговори за трансфер на Хаверц, а медиумите тврдат дека играчот веќе има договор со „сините“.

Леверкузен го цени младиот Германец на 90 милиони фунти, додека Челзи не е спремен да плати повеќе од 70 милиони фунти.