Финале на Хрватска без коментар на Мамиќ!? – Нема шанси, еве што им порача!

Не можеше ваквиот успех да помине без негов коментар.

Здравко Мамиќ долго време беше „алфа и омега“ во загребскиот Динамо, имаше и големо влијание во сојузот и националниот тим, но поради судскиот процес и казната која му одреди судот од шест ипол години затвор, Мундијалот го следи од Босна и Херцеговина.

Но ситуацијата во која се наоѓа не го спречува да се радува на историскиот успех на репрезентацијата на Хрватска која во недела ќе игра против Франција за титулата светски шампион.

По тој повод Мамиќ се огласи преку неговиот Фејсбук профил.

„Ако сонувам, ве молам да не ме будите! Уште еднаш се покажа она што јас секогаш го истакнувам – хрватските фудбалери се најдоброто што Хрватска го има! ВИ БЛАГОДАРАМ ЈУНАЦИ! Вие играјте, а јас ќе се молам за вас“, напиша Мамиќ.